விழும் முன் விழைவோம்..,

ஈழத்தில் தமிழினம் அழிக்கப்பட்டு கொண்டிருக்கிறது என்பதை விட வேட்டையாடப்பட்டு கொண்டிருக்கிறது என்பதே உண்மை. இக்கட்டான இவ்வேளையில் தமிழன் என்கிற உணர்வுகளுக்கு மேலாக மனிதம் என்கிற உணர்வினை முன்வைத்து உங்களுக்கு இந்த வேண்டுகோளை நான் இங்கே வைக்கிறேன்.

நமக்கான கடமைகள் என்பது நம் குடும்பத்தை பராமரிப்பதும் தன் பெற்றோர் குழந்தைகளை பேணுவதும் என்பதோடு மட்டும் அதன் எல்லைகளை நாம் சுருக்கி கொள்ள கூடாது. அதற்கும் மேலாக ஒவ்வொருவருக்கும் சில பல கடமைகள் இருக்குமென்பதில் ஐயமில்லை. அவ்வாறான சில பலவற்றுள் என்னுடைய இந்த வேண்டுகோளையும் வைத்து இக்கடமையை செய்யுமாறு கேட்டு கொள்கிறேன்.

இலங்கையின் வடக்கு கிழக்கு மாகாணங்களில் வாழ்ந்து வந்த தமிழீழ மக்கள் ராணுவத்தின் தாக்குதல்களுக்கு அஞ்சி தங்கள் குழந்தைகள் மற்றும் முதியோர்களுடன் காடுகளை நோக்கி சென்று கொண்டிருக்கிறார்கள். ராணுவம் கைப்பற்றும் பிரதேசங்களின் எண்ணிக்கை அதிகரித்தாலும் கூட அப்பிரதேசங்கள் மயான பிரதேசங்களாகவே காட்சியளிக்கின்றன.காரணம் அப்பகுதியில் வாழ்ந்த தமிழீழ மக்கள் அவ்விடங்களை விட்டு இடம் பெயர்ந்து தங்களுக்காக போராடும் விடுதலை புலிகள் அமைப்பினருடனேயே சென்று விடுகின்றனர்.

உதாரணமாக சமீபத்தில் சிங்கள ராணுவம் கைப்பற்றிய கிளிநொச்சி நகரின் ஒட்டு மொத்த மக்களும் ராணுவம் கைப்பற்றிய வேளையில் அந்நகரை காலி செய்து விட்டிருந்தனர் என்பதை சர்வதேச ஊடகங்களும் செய்திகளும் படம்பிடித்து காட்டியுள்ளன. இதற்கு காரணம் தமிழீழ மக்கள் ராணுவத்தின் கட்டுபாட்டில் வாழ அஞ்சுகிறார்கள் என்பதே ஆகும். மாறாக அவர்கள் தங்களுக்காக விடுதலை போரை நடத்தும் அமைப்பினரை நம்புகிறார்கள் அதனால் அவர்களை ஒற்றி தங்கள் நகர்வுகளை அமைக்கிறார்கள். ஏனென்றால் சிங்கள ராணுவத்தி னர், தான் கைப்பற்றிய பிரதேசங்களில் வாழும் தமிழர்கள் அனைவரையும் சித்திரவதை செய்து கொன்று போடுவதை தொழிலாக கொண்டிருக்கிறார்கள். தமிழர்களையே வெறுக்கும் சிங்கள ராணுவம் எப்படி புலிகளின் கட்டுபாட்டில் வசித்த தமிழர்களை நிம்மதியாய் வாழ விடுவார்கள்? விசாரணை என்ற பெயரில் சித்திரவதையும் தமிழ் பெண்களின் கற்பழிப்புகளையும் தான் சிங்கள ராணுவம் செய்யும்.

சென்ற மாத கடைசியில் கொழும்பு நகரின் வீதியில் குண்டுகளில் தங்கள் உயிரை முடித்து கொண்ட இரண்டு தமிழ் பெண்களின் சிதைந்த உடல்களை சிங்கள இளைஞர்கள் சிலர் கூடி செய்த அட்டூழியங்கள் உங்களுக்கு தெரியுமா? நம்மால் நினைத்து பார்க்க முடியாத அவல செயல் அது. ஆம், உயிரற்ற அந்த பெண்களின் உடலை நிர்வாணப்படுத்தி அந்த உடல்களுடன் சிங்கள இளைஞர்கள் மாறி மாறி உடலுறவு கொண்டதும் அதை சிலர் சுற்றி நின்று வேடிக்கை பார்த்ததையும் இன்னொரு சிங்கள இளைஞன் தன்னுடைய கைபேசி கேமராவில் படம்பிடித்து அதை பின்பு வெளியிட்டு தங்களின் இன வெறியின் உச்சக்கட்டத்தை இந்த உலகிற்கு படம் பிடித்து காட்டியுள்ளனர்.

இப்படிப்பட்ட மனநிலையில் உள்ள சிங்களனும் அவர்களின் ராணுவமும் இப்போது விடுதலை புலிகளை ஒழிக்கிறேன் என்கிற பெயரில் அப்பாவி தமிழர்களையும் கொன்று போட்டு வரும் செயலை துரிதப் படுத்திவருகிறார்கள். ஏறத்தாழ ஆறு லட்சம் தமிழர்கள் இப்போது விடுதலை புலிகளுடன் சங்கமமாகி இடம்பெயர்ந்துள்ள சூழ்நிலையில் ராணுவத்தின் ஒட்டு மொத்த தாக்குதலும் இந்த ஆறு லட்சம் மக்களையும் சேர்த்தே அமைய போகிறது. இனி அங்கு விழும் ஒவ்வொரு தாக்குதலும் தனி நபர் தாக்குதலாக அமைய போவதில்லை ஒட்டு மொத்த தமிழினத்தின் மீதான தாக்குதலாகவே அமைய போகிறது.

எனவே தமிழர்களாகிய நாம், ஈழத்தமிழர்களுக்காக எவ்வித தியாகமும் செய்ய வேண்டிய அவசியமில்லை ஆனால் "ஓர் இனம்" என்கிற உணர்வில் சிறு துறும்பையாவது அவர்களுக்காக நாம் கிள்ளி வீச வேண்டியது அவசியமாகிறது.

அது எவ்வகையான உதவியாகவும் இருக்கலாம், உங்கள் உற்றார் உறவினர்கள், நண்பர்கள் என்று எல்லா தரப்பினரும் ஈழத்தின் நிலையினை உணர்ந்திடும் வகையில் அவர்களின் கவனத்தை மெதுவாக நாம் திருப்பிட வேண்டும். குறைந்தப்பட்சம் "மனிதம்" மாள்கிறதே என்கிற உணர்வை அவர்களின் மனதில் விதைத்திட வேண்டும். தமிழ்நாட்டு வாழ் தமிழாயின் வருகின்ற தேர்தலில் காங்கிரஸ் கட்சிக்கு ஒட்டளிப்பதை தவிர்க்க வேண்டும் அக்கட்சிக்கு வாக்களிக்க வேண்டாம் என்ற பிரச்சாரத்தையும் செய்ய வேண்டும். கனவுகள் கலையலாம் ஆனால் "தமிழீழம்" என்பது "லட்சியகனவு" பிரபஞ்சத்தின் கடைசி தமிழன் உள்ளவரை இந்த "லட்சியகனவு" கலைய வாய்ப்பில்லை. அதே வேலையில் இந்த "லட்சியகனவு" மெய்ப்பட ஒவ்வொரு தமிழனும் தமக்கான கடமையை தவறாது செய்திட வேண்டும் என்பதே என் வேண்டுகோள்.